|
NEWS (September 15– September 21, 2008) LC agriculture office inyuswatna ti taripnong
kadagiti mannalon Ni Nova Rene C. De Rosas PIA-Laoag News Service LAOAG CITY - Ballaigi iti
naiyusuat a taripnong dagiti mannalon
kadagiti sangapulo ket dua (12) a barangays ditoy syudad ti Laoag
babaen iti City Agriculture Office ken iti pannulong dagiti Technical Field Representatives ti
Syngenta Philippines Incorporated. Ti nasao a taripnong
ket ditoy nga naipakaammo iti umno
panakatagiben ken panagmula iti
mais kangrunaan na iti nangato iti kalidad na mais kas iti NK8840, NK 8850
ken NK 6614 wenno Super Jumbo Hybrid Corn. Dagitoy a klase ti hybrid corn ket adayo iti
pannaka-apekto na iti corn borer wenno peste a kumapkapet kadagiti mula a
mais. Kuna ni Rene Boy J.
De los Santos, TFR ti Syngenta Philippines
a maibilang dagitoy kas BT Corn ket natalged nga ipauneg iti tao ken
animal gapu ta adaan daytoy iti protina manipud iti ordinary a bakterya a
managanan ti Bacillus thuriengiensis (BT). Ti protina ket dadaelen na
ti buksit ti corn borer. Natalged nga ipauneg agsipud ta ti buksit ti tao ket
napnuan ti asido idinto a ti corn borer ket alkaline. Malaksid iti kinatalged na nga ipauneg
ad-adu pay iti maapit no ikumpara kadagiti ordinary a mais a maimulmula gapu ta umabot iti 12 agpapan 14 metric
tons tunggal hectarya ken maapit
daytoy iti uneg iti 115 nga aldaw manipud pannaka-itukitna. Iti sabali a bangir,
inpakammo met ni Cris Ralleca. TFR ti
Syngenta Phils.,Inc. nga iti laksid iti panagusar kadagiti organic a pestisidyo, nabisa pay nga usaren met dagiti mannalon iti ARMURE a pangpaksiat kadagiti kumapet a
sakit ti pagay. Inbatadna a daytoy ket saan laeng a fungicide ngem
ketdi yield booster ket daytoy iti
mangted t iti nayon a kired ti pagay ket maipasigurado iti napinpintas ti kalidadna a binukel t ti
pagay ken ad-adu nga apit. Inbatad met ni City
Agriculture Officer, Oscar Recta a ti pannakaiyusuat ti taripnong kadagiti mannalon
iti syudad kangrunaan na iti Barangays, Sta. Maria, Navotas, Cabungaan B,
Buttong, Camangaan, Lagui-Sail, Sta.
Rosa, Apaya. Darayday, ken
Bacsil ket paset iti food security program ti gobyerno ti syudad, ken tapno
umadu met iti mapastrek dagiti mannalon ken ngumato payt iti produksyon ti
mais ken bagas kangrunaan na ditoy syudad. Dagiti nasao a barangay iti
napili a naka-isayangkatan ti taripnong gapu kuna ni Recta ta ditoy iti umuna
ken kangrunaan na nga agmulmula iti mais ken kaaduan ti bilang dagiti
mannalon. Agarup sangaribu
(1,000) a mannalon iti nabenipisyaran iti nasao a taripnong no sadinno nga
inatendaran dagiti City Agriculture Technicians nga akin sector kadagiti
nasao a barangays, kasta pay dagiti dua a City Councilors, Hon. Derick Lao
ken Hon. Donald Nicolas no sadinno a dagiti dua a konsehal ti syudad iti
nangted met iti natalged nga inspirasyon a tumulong kadagiti mannalon. Naamuan a dagiti nasao a hybrid
corn ket magatang kadagiti certified
agricultural dealers ditoy syudad ken ditoy probinsya ti Ilocos Norte. Ilocos Times copyright 2008 |
News Articles Keon
presents health sector program in IN Admin
raps filed vs Dingras mayor Keon
supports sports tourism conference LC
dad asks DOH for ‘Pinoy MD’ program SK-IN
to hold special polls after VP resignation City
dad urges LC drugstores to give 20% senior citizen discount LC
gives December ultimatum to sidewalk vendors LC
traffic division holds surprise inspection of trikes LC
agriculture office inyuswatna ti taripnong kadagiti mannalon |