|
NEWS (October 6– October 12, 2008) RONDA NORTE Brgy tanod, natay iti pammaltog CURRIMAO,
ILOCOS NORTE – Natay a napaltogan
ni Magellan Aglipay, 44, tanod iti Barangay
San Simeon iti daytoy nga ili idi
Oktubre 4. Ni
Aglipay ken maysa pay a kaanakanna ti manarimaan nga agronronda idi paltogan dagiti uppat a lallaki iti nasipnget a paset iti nasao
a barangay, pasado alas onse ti rabii. Ti
biktima ti nagsagaba ti maysa a tama ti paltog iti ulo.
Nakarekobre dagiti imbestigador
ti 5 kapsula ti M-16 riffle iti nakapasamakan ti krimen. Iti laksid daytoy a krimen, inpatalged ti polisia nga
awan ti masapul a pagdanagan dagiti tanod bayat ti panagrondada.
Gaputa pulitika ken
personal a riri dagiti anggulo nga ad-adalenda a mabalin a motibo iti pammaltog. Adda metten pamalpalatpatan ti polisia ti
kina-tao ti dua kadagiti uppat a suspek basar iti palawag
dagiti testigo. Mannalon, nakimat BACARRA,
ILOCOS NORTE – Dandani saanen
a mailasin pay ti rupa ni Ronnie Calaramo, 56, kalpasan a tinamaan daytoy ti kimat bayat
nga adda iti igid ti
karayan iti daytoy nga ili. Malaksid
iti trabaho ni Calaramo iti
talon, agpapaay isuna a konduktor iti maysa a bus company iti siudad ti Laoag
ken nagbalinen a liwliwana
ti mapan agkalap. Naammuan
a nakabakasion ni Calaramo kas konduktor gaputa nagpunpon ti ulitegna idi mapanunutanna ti mapan agkalap. Ngem ditoy metten
a napasamak ti trahedia a pannakakimatna. Awan ti maaramidan ni Filomena, asawa ti biktima,
nu saan a mangawat ti pasamak. Agruprupsa a bangkay ti maysa
a lalaki, nasarakan Immuna nga atapda a biktima daytoy ti salvage isu nga insigida nga inpakaammo ni Barangay Chairman Manuel Savellano daytoy a banag iti Laoag
City Police Station. Ngem maysa nga agnagan
Osias Aguinaldo ti nangbigbig ati nabayagen a mapukpukaw a kabsatna ani Isaias, 54, ti nasarakan a bangkay. Ti
biktima ti maipagarup a nagpukaw iti kapigsa ti
Bagyo Karen bayat a napanna inyapon dagiti tarakenna a dingwen idi pay Agosto. Nailasin
ni Osias ti kabsatna gapu
iti bado ken ti naibarikes a bunengna. Ilocos
Times copyright 2008 |
News Articles New reg’l director orders PNP to reduce IN crime by 10% INWD
donates P50,000 to PNRC-IN Multi-million
LCGH upgrade set early next year Laoag City ranks 5th in 2007 PCCRP SP
dismisses admin raps vs Salazar Batac council OKs resolution of support to Senate Bill
2427 Quebral, Corpuz families named
LC model families of the year |