AGLIPAY SHRINE ti umuna a pasango ti ili a Pinili no tourist destination ti pagsasaritaan. Iti Sitio Kullabeng ti nagtakderan ti Vicar General Greg Aglipay Shrine agsipud ta nainao iti nasamek a lugar iti daya nga abagatan ti munisipio ti pannaka-organizar ni Gen. Aglipay ti fuersa kontra kadagidi Kastila, Amerikano ken Hapon a dimmappat ti ammianan. Ditoy pay ti nakabuklan ti Ilocano version ti Romano Catolico a Latino ni pannakaibasa ti lualo ken uray ti misa. Nagrebelde ti General, “Masapul nga Ilocano tapno agkikinnaawatan tayo,” kunana ket nasangal naiyulog iti Ilocano a pagsasao. Maikaddua ti century-old a salamagi a timmakder a sitatangig iti laud nga ammianan ti municipio ket pinagbalin dagiti balikbayan a classy tree house. Daytoy salamagi (tamarind tree) ti pannaka-watch tower dagiti soldado no General Aglipay kasta pay kadagidi guerillas iti tiempo ti Fil-Am War. Maikatlo a destinasyon dagiti farm products kas iti baoang, lasona, sibuyas, basi, arak, suka, ti pakaawisan dagiti turista, balikbayans, bisita a gumatang kadagitoy a produkto a naka-display iti makeshift booth, wenno abong-abong iti igid ti national road iti Barangay Darat, Pinili, Ilocos Norte. Maikapat ket ti panangipursigi ni Mayor Anunciacion D. Pagdilao ti pannaka-gatang ti dua nga hectaria a daga iti Barangay Valbuena nga agbalin nga eco-tourism destination. *** Delinquent tax payers nabagaan… Ilocos Norte delinquent real property tax payers nabagaan a mangkita ti obligasyonda sakbay wenno kaaldawan ti naitudi a panagbayad iti buwis. Dagiti maseknan mabalinda ti agintuod kadagiti treasurers iti ilida tapno saan nga aglapus ti petsa a nai-schedule a pannakabayadda. *** SK and Barangay elections, postponed? AWAN ti Makita a saan a pannakaipursigi ti October 29 election kalpasan ti panangirakurak ni Sen. Manny Villar a mabayag la unayen ti Mayo 2009 a lingalong dagiti adda iti Lower House ket kasta met kenni Pres. Gloria Macapagal-Arroyo. Lallakay ken babbaket ton dagiti SK kasta met nga overstaying la unayen ti kaadduanna a kapitan del barrio. Nakasaganan ti kaaduanna a Comelec officials kadagiti ciudad ken il-ili iti pagilyan. “No adda executive functions ni Presiden Arroyo adda met legislative decision ti Senado,” kuna ni Villar. *** La Niña? KUNA ti PAGASA a ti planeta a daga (earth) ket addaan iti saan a papijo a clema (unpredictable weather) kas iti agdama a nakulemlem, matutudo iti malem, ararbis iti parbangon ket iti apagapaman aginit iti bigat ken iti malem. Ngem nasaripatpatan ti buro nga adda panagrimbao ti La Niña gapu ti panagtalinaed ti matutudo a tiempi iti Visayas ken Mindanao. Iti met Luzon, pakaramanan ti Ilocos Norte, napaut ti panagkulem ti aglawlaw. |
|