“Sie Hao Ma”. Dayta ti balikas a panagyaman ni China Ambassador to the Philippines, Wu Hongbo ti pannakasangaili na ken dagiti 14 a dignitario iti uppat nga aldaw a kaaddada iti probinsya. Awan ti pakapilawan ti panangipakita ni Gov. Ferdinand Marcos, Jr. Kadagiti historical landmarks, tourists spots and some centers of development where technological assistance should be focused for stronger connection, ties and advancement. Idiay Batac, Ilocos Norte, naimpress ti Ambasador iti kangato ti sasaaden ti Mariano Marcos State University kas maysa kadagiti top 3 a pagadalan iti pagilian nupay naibayog laeng idi January 6, 1978 sagudayen ti Presidential Decree 1279 a namagtitipon kadagiti pito nga eskwela iti probinsiya. Inyam-ammo ni Dr. Miriam Pascua MMSU President ni Dr. Stanley Malab, Vice-Pres. for Research and Production a mangibinsa-binsa kadagiti takkuat ti unibersidad a masapul a mapadur-as. Ti Engineered Bamboo (Kawayan) Grove ti naipakita ti pannakaaramat dayta a kas iti floor tiles, lamisaan, rostrum, picture frames, aparador ken dadduma pay. Dagiti produkto iti probinsya a kas iti kapas, bawang, hybrid rice ti sumagmamano a nai-demonstrate iti “Luncheon Conference” iti university hall a diaya ti MMSU kadagiti Chinese dignitaries. Impanamnama ni Ambassador Hongbo ti pannakaadal ti posibilidad a pannakaibayog ti Chinese Consulate Office iti probinsya wenno Laoag City tapno mapasinkedan ti napardas nga economic development babaen iti nakuna a bilateral concern ti China ken Pilipinas (Laoag City/Ilocos Norte). Minanso ti agnagan Gerry R. Quiroc, 39, taga Barangay 2, Laoag City ti maysa a barito a ni Jun-Jun Pasion Gaspar, 14, taga Barangay 13, Gomburza St., Laoag City iti saan nga ammo a gapu. Ti biktima ket na-cnfine iti GRAM Hospital ngem natay met laeng iti sumuno nga aldaw. Batay iti report ti Attending Physician, gapu iti internal hemorrhage after his spleek (grave yard of blood cell) got burst and damage severely his internal organs. Buluntario a nagsurender ti suspek iti police station a kuna ni P/Supt. Partible, “nasolbaren ti kaso”. OIC Mayor ni Abogado Conrado Respicio II iti Laoag City manipud Mayo 10-13, 2005 kalpasan ti panangdutok ni Mayor Michael Fariñas kenkuana, makagapu ti saannan a panagatendar ti regular session idi miyerkules. Intungpal ti OIC mayor ti pammatigma ti umiso a pannakaaramat dagiti luglugan ti syudad maitugmok iti executive order a mangiparit iti personal a pannakaaramat dagiti City Vehicles kasta met ti pannakaiparada dagitoy kadagit nakaaatap a lugar. Idi mapagsaludsudan ni Vice Mayor Marlon Manuel panggep ti designasyon ni SPM Respicio nga OIC Mayor, “I do not have any rancor on the matter because that is the prerogative of the mayor, malaksid no aglapus ti tallo nga aldaw”. |
|