July 02, 2006
THE ILOCOS TIMES - Fil-Hawaii Centennial


HAWAII CENTENNIAL JOURNAL
Amado I. Yoro

Isuda a nakaitalkan ti botos ken napili nga agserbi iti komunidad

Honolulu, Hawaii—Awan ay iti alas siete iti agsapa ti Domingo, Hunio 25, 2006 ngem addakamin iti Ilikai Hotel - Waikiki a pakaangayan ti tinawen a kombension ti Oahu Filipino Community Council. Domingo ita ket simbaan koma ti sanguek nga umuna ngem impakadak pay la ken ni Fr. Randy Albano a padimi ti panang”excusena” kaniak itoy a Domingo.

2001 ken 2003 ti kaudian a nagdelegadoak iti kombension. Daytoy 2001 a kombension ti kaaduan pay la a bilang ti delegado iti aganay a 488 registered delegates a naangay iti Hawaii Convention iti maudi a dua a tawen a panagtakem ni Edith Pascua. Ni Ernie Pascua ti General Convention Chair idinto toy nagsurat ti Election and Nomination Chair a ditoy met la a kombension ti nagsasalipan da Eddie Agas, Sr, Lynne Gutierrez, Jenny Quezon ken Aries Yambao. Ket uray agtitipon ti botos dagiti tallo, saanda pay la a maartapan ti botos a nangpangabak ken ni Eddie Agas, Sr.

Mabalin ken maipagarup a gapu iti dakkel a salisal iti kinapresidente, adda dagiti mayat a mangpangabak iti kandidatoda.

Uray kasano ti gagarko ken diak koma malibtawan ti 2002, 2004 ken 2005, ngem mairana latta a delegadoak met kadagiti komperensia iti US mainland kas rebbengenmi iti Episcopal Hawaii Diocese a pagkamenganmi. Diak mapagkadua ti bagik.

Naatendarak met la ketdi ti 2003 a ni John Ramos ti Convention Chair. Aganay a 240 ti delegates, adu manen ti delegado ta adda manen napigsa a risiris ti kinapresidente. Inabak ni Jenny Quezon ni John Ramos. Naangay ti kombension iti Hyatt Regency Waikiki.

(Ket segun ti impormasionmi: kastoy ti bilang ti delegado iti 2002 - 185 - FilComCenter - nailayon ni Eddie Agas, Sr.; 2004 – 336 FilComCenter, Convention Chair: Ernie Pascua, nabotosan ni Dr. Arnold Villafuerte; 2005 - 175 -FilComCenter, Convention Chair: Dwayne Bueno, nabotosan ni Lynne Gutierrez, unopposed.)

Itoy a kombension 2006, ipagarupmi no dakami kasapaan ken ni Philip [Alcain], maysa kadagiti outgoing direktor, ngem idi simrekkami iti ballroom, nadanonmin da Tina Salvador, OFCC 2vp, Aurea Agas, direktor ken Eddie Agas, Sr, kameng ti Centennial Commission.

Sumagmamano a minutos idi sumangpet dagiti agkasimpungalan a Franco [Alfredo] Casino ken Manang Cleo Bala Casino. Kinablaawanmi iti naimbag a bigat.

Madamdama, mapasungadanmi ni Jake Manegdeg, sabali pay a kameng ti Centennial Commission, dati a UFCH president, umuna nga Ambassador Juan Dionisio Lifetime Awardee 2006.

Madamdama, adda ni kandidato a para Gobernador Randy Iwase, dati a Chairman ti Labor Board of Appeals, dati a Senador ken dati a City Councilman. Kaduana ni Mrs. Iwase.

Nain-inut a nagsangpet ti delegado.

Nairaman a nagsangpet ti grupo ni Hernando Tan, presidente ti Local 5 Unity HERE.

Nagkukuyog a dimteng da Mrs. Maria Etrata, Namnama Guirnalda Baptista

Napanak iti yan ni Atty Alfredo Evangelista, Legal Counsel, ta dinamagnak kano kadagiti pada a delegado no addaakon. Maysaak ngamin kadagiti agreport iti komite.

Kabayatan ti panagsangpet pay dagiti dadduma a delegado, adda met dagiti maam-ammo a siguden a pagayam, adda met dagiti kabarbaro.

Nagkitakami ken ni Mrs. Rose Martinez, kasimpungalan ni Mr. Parbangon Flor Martinez iti KNDI Radio.

Dati nga am-ammok dagiti agsangpet pay da: Myrna Saniatan, Al Sabangan, Rose Sabangan, Pio Enrico ta dakami amin iti Ilocos Surian Assn. of Hawaii.

Maikatlo metten a daras a makitak ni Mrs. Hawaii Filipina 2006 Armi Farinas , immuna idiay Wahiawa Parade and Festival ta siak ti maysa a co-coordinator ti parada mainaig iti Filipino Centennial Celebration idi Mayo 20, maikadua idi Centennial Tree Planting idiay Waipahu nga innwayat ti UPAAH iti Hunio 9.

Baro nga am-ammok ni Daniel Carbonell iti Cabugao.

Panaggiinnammo ti sigud nga agga-ammo ken panangnayon ti baro nga am-ammo daytoy a kombension.

Iti biang ti OFCC, dagiti panagdur-as ken panagaddangna ken dagiti karit ti masanguanan, agtultuloy latta a panangtubay ti masakbayan ti sabali a henerasion. Ti sabali a karit ken kabaelan iti sabali a panawen ken panangidaulo.

Kastoy ti Tema: “47 years; Its progress and Challenges Continue...”

Alas otso beinte y singko, idi luktan ni Lynne Gutierrez ti opisial panaglukat ti kombension babaen iti panangitiknolna ti gavel - the authority of power.

Indauluan ni Angie Borromeo ti pannakakanta ti dua a Kanta Nasional ti Filpinas ken America, Bayang Magiliw ken Star Spangled Banner.

Ti multi talent Cleo Bala Casino, OFCC 1vp, ti nangidalan ti kararag.

Welcome remarks ti inyarakup ni Cirvalina Longboy kas pangulo ti kombension.

Kaanonto nga adda Filipino iti Washington, D.C.?

Kastoy ti bugas ti mensahe ni Consul General Ariel Abadilla: “Innem pay la a bulanko iti sidongyo iti Honolulu, ket pakaidayawak ti makipulapol ken makidinnanggay kadakayo kadagiti adu a pasken ken aktibidadyo. Ammok a pakaseknanyo ti naan-anay a panagkaykaysa ken timpuyog tapno napigsakayo iti panagdur-as iti ekonomia, trabaho, gobierno, sosial ken kultural, napaneknekan payen ti pigsayo iti politika iti uneg ti Hawaii babaen iti maysa kadaraan a naggobernador, naghues iti Korte Suprema, ti Senado, lehislatura, lider ken kameng iti Konseho, ket iti uneg ti 100 a tawen, kas agdama a mapalpaliiw a selebrasion ti sentenario, ania ti karit iti masanguananyo? A simple challenge to OFCC: “When will be a Filipino be in Washington D.C.? ... as an elected representative?”

(Malagipmi a pinadas idin ni Senador Ron Menor 16-18 a tawenen ti napalabas ngem saanna a naigasatan. Ita a tawen ti eleksion, ni Senador Menor ti immuna a nangpakdaar ti panagkandidatona iti 2nd US Congressional district, simmaruno ni Councilmember Nestor Garcia a nangipakdaar - agpada a Filipino dagitoy dua a mapekpekkelan - [two fine gentlemen] ken mapangnamnamaan a sanggir ken adigi ti politika, ita man ken ti masakbayan.)

No dayta ti tudtuduen ti ‘karit’ ti konsul heneral, agsadag ti sungbat kadagiti a botante Filipino man ken saan, kadagiti distrito a sakupenda a pagtarayan. Ngem iti panagkunami, nasken met iti pigsa, tipkel ken suportatayo kadakuada.

Iti panagtaray ti kombension, inreport ti Credential and Registration Committee nga ipanguluan ni Liza Romualdo nga ad-adu ngem kagudua ti nakasangpeten a nagrehistro maibasar iti dagup dagiti nagpalista a delegado sakbay ti kaaldawan ti kombension. Naideklara nga adda naan-anay a quorum.

Dinutokan ni Presidente Gutierrez dagiti sumaganad: Atty. Alfredo Evangelista – Parliamentarian; Louie Funtanilla- Timekeeper; Philip Alcain, William Cudal, Boni Manuel, Franklin Borromeo, Ruben Gutierrez – Marshals.

Naawat ken naaprobaran ti naisagana nga agenda ti kombension. Naidatag ken naaprobaran ti minutos ti napalabas a kombension.

Nagreport ti presidente ket inagapadna dagiti kangrunaan nga aktibidad ken pasken a nakipartisiparanna a kas presidente ken mangibgbagi iti Oahu Council. Nainaganna dagiti sumagmamano kas iti partisipasionna iti mapalpaliiw a selebrasion ti Filipino Centennial 2006: COVO. FAUW, Junior Filipino Chamber of Commerce, Leyte Mudslide Fundraising Drive, MOTTEP, Hurricane Katrina Victim Drive, Ilocos Surian Medical Mission, NaFFAA Region XII Conference, ken adu pay.

Nagreport ni Liza Romualdo a tesorera.

Nagreport dagiti pangulo ti komite: Ways & Means - Eddie Agas, Sr.; Membership - Franklin Borromeo; Social Action - Mario Palma; * Administrative Policy - Cleo Bala Casino; Adopt-a-Hwy - Amado Yoro/Philip Alcain; Ten Outstanding Pilipino Students -Larry Ramirez; Bayanihan/MOTTEP - Aurea Agas; Publicity - Amado I. Yoro; Miss Oahu Filipina Scholarship Pageant - Dwayne Bueno; OFCC Scholarship Golf Tournament - Eddie Agas, Sr.; 2005 Resolutions Implementation - Tina Salvador; Resolutions - Jake Manegdeg.

Uray nalpasdan; adda latta ti pusoda ti OFCC:

Kadagupan dagiti aganayen a 32 a nagpresidente iti OFCC nanipud pay nabangon idi 1959, saan a nakaskasdaaw no dagiti pasado a presidente ket naisingayda ti orasda, adda 7 a pasado a presidente a nagatendar itoy a kombension. Ken uray ngata met no awanda, adda met latta ti pusoda isuna laeng a saanda a nakaatendar, adda la ketdi met dagiti banag a saanda a nakaumayan, mabalin a maigapu iti pamilia, trabaho, out-of-town, educational trip and business trip, banag a dida nakaumayan.

Maipalagip, adda idi nairugrugi a pannakabukel ti Council of OFCC Past President tapno agbalin a kadanggay ti agdama a liderato a mangpapigsa ti partisipasion. Mabalinda nga aramaten ken ipakat dagiti specialties wenno tay-ak ken talento a pagpigsaanda.

Dagiti nakaatendar: Dr. Arnold Villafuerte -2004-2005; Jenny Quezon - 2003-2004; Eddie Agas, Sr. -2001-2003; Ben Cabreros - 1997-1999; Maggie Domingo -1990-1990; Don Alvarez - 1986-1990; Amado I. Yoro - 1982-1982.

Dagiti [summas] kangrunaan nga estudiante iti bukodda a klase 2005-2006.

Napadayawan dagiti Top Ten Outstanding Pilipino Students babaen ken ni Larry Ramirez.

Dagiti napadayawan: Carrie-Ann Agag - Summa Cum Laude, Waipahu High School, daughter of M/M Edward and Carmelita Agag - to be a doctor, Notre Dame University;

Beatriz Bumanglag - Summa Cum Laude, daughter of M/M Alex and Divina Bumanglag. To be a nurse, Hawaii Pacific University;

Jason Matthew Cabudoy -Valedictorian - Damien Memorial High School. , son of M/M Arnold and Maryann Cabudoy. To be a Business Administrator, University of Southern California;

Kathryn Cole - Valedictorian - Kaimuki High School. daughter of M/M Scott and Brenda Gorospe Cole To be a Secondary School Teacher, University of San Francisco;

Russell Romano Kelly - Valedictorian, Mililani High School. son, M/M Russell and Cynthia Kelly To be a doctor, Chapman University;

Malcolm Menor - Summa Cum Laude - Waialua High School. son of Ernesto and Flordeliza Menor. To be an Electrical Engineer, University of Hawaii-Manoa;

Arlene Parubrub - Honor Student -St. Francis School. Daughter of M/M Orlino and Helen Parubrub. To be a doctor. Occidental College;

Bradley Ramos - Valedictorian - Kaiser High School. son of M/M Arcadio and Terri Ann Koike Ramos. To be a Biologist/Veterinarian, University of Southern California;

Melissa Rezada - Valedictorian - Castle High School. daughter of M/M Melchor and Esther Rezada. To be an Engineer, University of Oregon;

Kaysha Lynne Ribao - Salutatorian - Maryknoll High School. daughter of Cesar and Evangeline Ribao. To be a doctor, Boston College.

Luncheon speaker ni Dr. Raymund Liongson, presidente ti Filipino Coalition for Solidarity.

(Note: Filipino Centennial Celebration Commission members in attendance in the convention: Jake Manegdeg, Eddie Agas, Sr. Dr. Raymund Liongson, Amado I. Yoro)

Ni Larry Ramirez ti pangulo ti nominasion ken eleksion. Kas bunga ti Amendment Rule 10: ken bunga ti inaprobaran ti 2/3 votes ti registered delegates, mabalin ti aginominar ti kandidato para iti kinadirektor gapu iti panagkurang ti pre-nominated candidate.

Malaksid kada Aurea Agas, Maria Etrata a nainominar sakbay ti kaaldawan ti kombension, nainominar ken naidatag ti nagan dagitoy: Carlota Ader - presidente ti La Union Circle of Hawaii; Eric Barsatan - Managing Editor ti Filipino Summit; Danny Villaruz - presidente ti Ilocos Surian Assn of Hawaii; Al Sabangan - presidente ti Cabugao Sons & Daughters of Hawaii- saanna nga inawat ti nominasion; Esther Pascual - presidente ti United Group of Home Operators - saanna nga inawat ti nominasion;

Resulta ti eleksion: Presidente - Lynne Viloria Gutierrez - nailayon (unopposed); Umuna a bise - Franklin Borromeo; Maikadua a bise - Cirvalina Longboy; Sekretaria - Beverly Fidel; Katulongan a sekretaria - Connie Ramirez; Tesorera - Erlinda Cantorna; Katulongan a tesorera - Faye Cudal; Auditor - Tina Salvador; Direktor: Aurea Garcia Agas, Carlota Ader, Eric Barsatan, Maria Etrata, Danny Villaruz, Brigido Daproza (holdover), Mario Palma (holdover), Marilyn Villar (holdover).

-o0o-

Nabangon ti OFCC idi 1959.

Dagiti nagpaay a presidente: Justo Dela Cruz+ 1959-1961; Adelino Valentin+ 1961-1961; Diosdado Avecilla+ 1961-1962; Jesus O. Cayaban 1962-1963; Dr. Marcelino Avecilla 1963-1964; Gelacio Daoang + 1964-1965; Moises Claveria+ 1965-1966; Pedro Oducayen 1966-1967; Emilio Alcon+ 1967-1967; Victor Agmata 1967-1968; Justo Dela Cruz+ 1968-1969; Bart Alcaraz 1969-1970; Pol Ragasa 1970-1971; Gene Albano 1971-1973; Pete Racelis, Jr. 1973-1974; Mel Europa 1974-1975; Mel Agag, Jr. 1975-1976; Ilalo Parayno 1976-1977; Fred Aspree 1977-1978; Matilda Molina 1978-1979; Ricardo Labez+ 1979-1981; Mario Albalos+ 1981-1982;

Amado Yoro 1982-1982; Nunelon Medallon+ 1982-1983; Victor Guillermo 1983-1984; Gerry Rojo 1984-1986; Don Alvarez 1986-1990; Maggie Domingo 1990-1990; Romualdo Agustin 1990-1992; Marlene Manzano+ 1992-1994; Jun Abinsay 1994-1996; Ernie Pascua 1996-1997; Ben Cabreros 1997-1999; Edith Pascua 1999-2001; Eddie Agas, Sr. 2001-2003; Jenny Quezon 2003-2004; Dr. Arnold Villafuerte 2004-2005; Lynne Gutierrez 2005-present. (+ pimmusayen).

| Back To Top |

Copyright 2006 Ilocos Times. All rights reserved.
CENTENNIAL ARTICLES

EVENTS SCHEDULE

Centennial Homepage

Isuda a nakaitalkan ti botos ken napili nga agserbi iti komunidad

Narra: Simbolo ken parupa ni Pinoy iti kinaandur ken kinatibker iti biag

Nainaw ken naipasngay ti maysa a henio a Filipino iti baro a henerasion sabali a siglo iti Paraiso

Macario Pascual - The son of a Sakada brings Hawaii's sugarcane plantation days vividly back to life

Saludo para kadagiti immuna a Sakada itoy a selebrasion ti sentenario

Lugayantayo dagiti Appo a Sakada ken Saringit ti Kaputotan para iti sabali a siglo