August 9, 2007
THE ILOCOS TIMES - ILUKO


BANDU ILUKO
Vic G. Labaro

Promising young leaders express concern on tourism promotion

SABALI a buya ti forest resort idiay Manalpac, Solsona, Ilocos Norte nga ipondar ni Mayor Joseph de Lara a presidente ti League of Municipal Mayors of the Philippines, Ilocos Norte Chapter ti di bumorong a tourism destination agsipud kadagiti naisalsalumina a features wenno tampok a pakaawisan dagiti turista nga agindeg iti napapa-ut nga aldaw.

Ti wild life nursery ti maysa kadagiti makaayayo, no pay kadagiti dadduma nakaalalingget.

Iti Laoag City, ti antigo a sinking tower a tagtagiben da Mayor Michael ken Ms. Chevylle V. Fariñas ti parupa ti Laoag Plaza nga uray ti nabayog a takderna ket awisenna ti uray mamitlo a talliw, di masarkedan dagiti bisbisita.

Inpeksa ni Gov. Michael M. Keon ti pannakapnek dagiti dayo a makasirpat kadagiti napintas a pamuyaan, dagiti recorsos naturals iti provincial nga isu ti pakaawisan dagiti investors nga agpuonan ti turismo ken pannakakotkot dagiti minas iti dumaya ken amianan a paset ti provincial.

Kabayatanna, malagip met ti maika-90 a birth anniversary daydi Pres. Ferdinand E. Marcos inton September 11, 2007 babaen kadagiti tumotop a ceremonia ken lagip kadagiti napondarna a maibilang a batoon laguip.

Batac City ti centro ti celebrasyon ket iti met Batac Cathedral ti pakaangayan ti misakantada a sarunnued dagiti aniaman a sagana da Madam Imelda R. Marcos, dati a First Lady ken ti sibubukel a familya.

Inrakurak ni Governor Keon ti wreath laying ken simple a ceremonia iti Provincial Capitol ket no bilang saan a makadar-ay dagiti miembro ti familya iti September 11, di bumorong nga addadanto inton September 21, 2007.

?Ti president ti LMMP ti mangilinia kadagiti participasyon kada ili ti provincial tanda ti panagyaman kadagiti masagsagrap a naaraminda daydi Da Apo.

| Back To Top |

Copyright 2007 Ilocos Times. All rights reserved.
ILUKO

... RISSIK - ‘Ilocos Norte, agbalbalinen a lugar dagiti mammapatay, pagrarairaan dagiti paltog ken unsolved crimes…’

... RISSIK (2) - Agsubsubli ti dati nga imahen ti Pinili?

... BANDU ILUKO - Remembering Da Apo

... BANDU ILUKO (2) - Promising young leaders express concern on tourism promotion

... BANDU ILUKO (3) - Saud beach, best tourist destination in Asia