NEWS (August 25– August 31, 2008) RONDA NORTE Maatap a drug pusher, natiliw PIDDIG, ILOCOS NORTE – Natnag iti ima dagiti autoridad ti maysa a lalaki a maatap a drug pusher iti naiwayat a buy-bust operation iti Barangay 3 iti daytoy nga ili. Binigbig ni Piddig Police Chief Teddy Rosqueta ti suspek ani Benjamin Echanis, 34, awanan trabaho. Naiwayat ti operasion gapu iti report nga illegal nga aktibidad ti suspek iti mismo a pagtaenganna. Insigida a tinukmaan dagiti pulis ni Echanis apaman nga inawatna ti 1,000 pesos a marked money. Naala pay iti ikotna ti maysa a plastic sachet ti maipagarup a shabu. Naipilaan ti kaso a panagsalungasing iti Dangerous Drugs Act of 2002 ti suspek. Maysa a konsehal, nakalasat iti maipagarup nga ambush CURRIMAO, ILOCOS NORTE – Inkarigatan nga intaray ni Konsehal Kent Raguindin ti bagina iti Mariano Marcos Memorial Hospital kalpasan ti maipagarup a pannakatambangna iti national highway a sakop ti Barangay Torre iti tengnga ti aldaw ti Agosto 26. Ni Raguindin ti maipagarup a nasugatan iti muging ken adda maysa a tama ti paltog iti luganna. Palawag ni Currimao Police Chief Reynante Baltazar, mismo a ti konsehal ti nangitawag kenkuana iti cellphone seknan ti insidente. Maipagarup nga agpapa-abagatan ti lugan a Pajero ti konsehal idi tambangan dagiti tallo a saan pay a nabigbig a lallaki. Ngem gaputa saan unay a grabe ti sugatna, inkarigatanna pay laeng nga indanon ti bagina iti ospital. Saanna met a nadakamat nu siasinno dagiti kakaduana idi maipagarup a mapasamak ti pammaltog. Iti panagresponde dagiti pulis iti lugar, awan met ti nakitada nga aniaman a pagilasinan nga adda ti napasamak a pammaltog. Ngem inkari ti polisia a saan nga agpatingga ditoy ti imbestigasionda. Van ni Ablan, naaksidente BATAC CITY – Dead-on-arrival iti ospital ti maysa a barito idinto a kritikal ti kaduana kalpasan a nakidinnungpar ti naglugananda a motorsiklo iti toyota van a nagluganan ni Ilocos Norte Congressman Roque Ablan Jr. iti national highway a paset ti Barangay Billoca iti daytoy a siudad. Nabigbig ti natay a biktima ani Jasper Tariga, 17, driver ti motorsiklo; idinto a grabe a nasugatan ti inlubbonna ani Roderick Obien, 17. Saan met a nasugatan dagiti nakalugan iti van ada Congressman Ablan, ti driverna ani P03 Romeo Galit ken dua pay a bodyguardna. Naammuan nga agawiden manipud iti Metro Manila ti grupo ti kongresista idi mapasamak ti insidente. Maipagarup a naladawen idi maripar ni P03 Galit ti kasabetda a motorsiklo gaputa awanan headlight. Maipagarup nga inkari met ti kongresista iti panangitedna ti tulong-pinansial kadagiti biktima. Ilocos Times copyright 2008 Back to top

News Articles IN residents get typhoon aid, P50M for agri rehab P216M LC damages from 3 typhoons presented to NDCC INEC district board polls in LC, Batac, Vintar-Sarrat set Batac to host 91st Marcos Day; September 11 declared special holiday MS/PhD S&T scholarships now available IS gobierno probinsial, nagiwaras iti relief goods DOST-I conducts training on GMP to food processors in Region I Cebu Pacific is 4th fastest growing airline worldwide LC native named most 2008 outstanding teacher INEC 100% power restoration set this week Seminar para ti pannakatagiben ti kabbaro a hybrid rice NK Malakas-1 sadiay Dingras PIA DISPATCH RONDA NORTE